نصائح مهمة عند استرجاع الضرائب في النمسا

حابب نوه على عدة شغلات بخصوص التقديم على طلب إسترجاع الضرائب .

عم يصلني الكثير من الرسائل من بعض الأشخاص اللي قدمو على استرجاع ضرايب واجاهم رفض وما اجاهم شي من الإسترجاع الضريبي بالرغم كانو مشتغلين وعندهم اطفال .

وقت التقديم على إسترجاع الضرائب لازم يتم تعبئة الطلب بشكل صحيح احيانا نسيان تحديد شي بالطلب غلطة صغيرة بيجيك رفض وما بتحصل على شي وبهل الحالة رح تضطر تقدم اعتراض على البيشايد بيكون معك مهلة اربع اسابيع لتقديم الاعتراض.

دائما بيتم نشر على شبكات التواصل الاجتماعي منشورات تطلب نموذج جاهز من استرجاع ضرايب لازم كل شخص يعرف انو وضع كل شخص مختلف عن الآخر وبيتم تعبئة الطلب حسب وضع كل شخص اذا مشتغل او لا او اذا عندو اطفال او لا .

 كل شخص اشتغل بال (2020) لازم تتأكد من بيان راتب هل عم تدفع بشكل شهر مصاريف متل (Betriebsratsumlage ) او لا او مثلا اذا كنت مسجل باحدى نقابات العمال وبينقطع من راتبك 1% هاد الشي كمان بيتم التسجيل بالطلب مجموع السنوي لان هل مبلغ بيكون بينقطع من راتبك الصافي وما بيتاخد بالاعتبار ضمن بيان الراتب من استقطاع الضريبة فيك تسجلها ببيان الراتب وبتحصل على بيشايد اسمو(Freibeitragsbescheid ) اذا كنت عم تشتغل بنفس الشركة بتبعت هل بيشايد ل( Lohnbüro)

بالسنة القادمة بيتقسم المبلغ على الأشهر وبيكون عندك هل مبلغ معفى من الضريبة.

لهل السبب قبل ما تعبي طلب إسترجاع الضرائب حاول تعبي كل المعلومات بشكل صحيح ولا تستعجل حتى تحصل على مبلغ الإسترجاع الضريبي بشكل كامل وصحيح .

الأشخاص اللي اشتغلو بال (2020) لا تعبي الطلب قبل التأكد من وصول كافة البيانات من الشركة ل (Finanzamt ) وهاد الشي فيك تعرفو من خلال برنامج(Finanz online)

وتكون البيانات موجودة عند (finanzamt ) بين شهر الثاني وبداية الشهر الثالث .

احيانا ما بتوصل البيانات بشكل كامل وبيتم حساب الضريبة على البيانات الحالية ويصير خطأ وبعد فترة بيجيك بيشايد ثاني من (Finanzamt ) لما تصل البيانات كاملة .

لما تكون البيانات موجودة عند ال (finanzamt ) فيك وقت تقدم الإسترجاع الضريبي تحسب بالأخير(Vorberechnen) وتعرف شقد رح يجيك بالضبط .

اذا كان البيانات مو موجودة مافيك تشوف هاد الشي.

 السنة الفائتة نحن بالجمعية كنا نداوم يوم بالأسبوع وساعدنا الكثير من الأشخاص بالتقديم على الإسترجاع الضريبي وتقديم الاعتراضات بس بالوقت الحالي الجمعية مغلقة بسبب ظروف كورونا وكل اللي عم يراسلونا عم نحدد مواعيد وفي ضغط عندنا واي شخص بدو نساعدو بالتقديم على استرجاع ضرايب لازم يكون عندو صبر نظرا للضغط بالوقت الحالي وعم نحدد مواعيد حسب وقتنا .

رابط المنشور الإسترجاع الضريبي الشرح :

* رابط صفحة الجمعية الرئيسية:

 شكرا لكم جميعا ونتمنى للجميع التوفيق .